मकवानपुर– बागमती प्रदेशका मुख्यमन्त्री डोरमणि पौडेलल देश संघिय लोकतान्त्रिक गणतन्त्रलाई संस्थागत गर्दै समृद्धिको यात्रातर्फ अग्रसर भएको बताउनुभएको छ । मंगलबार हेटौंडा–११ स्थित सहिद स्मारक पार्कमा आयोजित सहिद दिवश २०७६ तथा सहिद स्मारकको रजत जयन्तीका अवसरमा आयोजित नवनिर्मित प्रजातान्त्रिक पार्कको समुद्घाटन समारोहलाई सम्बोधन गर्दै मुख्यमन्त्री पौडेलले ऐतिहासिक संविधानसभा मार्फत अधिकार प्राप्तिको आन्दोलनलाई सम्बोधन गरिएपश्चात देश गणतन्त्रलाई संस्थागत गर्दै समृद्धिको यात्रातर्फ अग्रसर भएको बताउनुभयो ।
मुख्यमन्त्री पौडेलले देश र जनताको हितको लागि आफ्नो अमुल्य जीवन उत्सर्ग गर्नुहुने महान सहिदहरुको योगदानको चर्चा परिचर्चा गरिरहँदा, गौरवगाथा स्मरण गर्दै गर्दा हाम्रो सामुन्ने ईतिहासले सुम्पिएको महत्वपुर्ण कार्यभारहरु रहेको बताउनुभयो । सहिदको बलिदानीको जगमा ब्यवस्था परिवर्तनको आन्दोलन गन्तब्यमा पुग्न सफल भएको भन्दै अधिकारका मुद्धाहरुलाई संविधानमा लिपिबद्ध, सम्बोधन गरिएको बताउनुभयो । अब अधिकार प्राप्तिकै लागि कोहि सडकमा उत्रिनु नपर्ने भन्दै मुख्यमन्त्री पौडेलले संघर्षको युगबाट समृद्धिको युगतर्फ प्रवेश गरेको बताउनुभयो ।
“भ्रष्ट्रचार विरुद्ध शुन्य सहनशिलता, प्रशासनिक कामकार्वाहिमा चुस्त दुरुस्ता, स्थानिय सरकार मार्फत घरगाँउमै सेवाप्रवाह, विकास निर्माण प्रतिको प्रतिवद्धता, उद्योग एवम् लगानी मैत्री वातावरण मार्फत रोजगारीको श्रृजना, कृषि क्षेत्रमा युवा सहभागिता, प्रोत्साहन र अनुदानलगाएत कार्यक्रममाफर्त “नेपाल बन्दै छ ” भन्ने सकारात्मक सन्देश प्रवाहभएको” मुख्यमन्त्री पौडेलको भनाई थियो । ब्यवस्था परिवर्तन पछि अब देशको अवस्था परिवर्तन नै आजको महत्वपुर्ण कार्यभार भएको भन्दै मुख्यमन्त्री पौडेलले कोहि भोकै पर्नु नपर्ने, कोहि भोकै मर्नु नपर्ने, जसको कोहि छैन उसको लागि सरकार छ भन्ने सुनिश्चिताले नै यो ब्यवस्थाको सान्दर्भिकतालाई पुष्टि गरेको बताउनुभयो ।
सम्माननीय राष्ट्रपति ज्यु,
